其實真係冇得唔佩服啲英國佬, 講到政治呢家嘢, 真係手法高明得多. 先前匯豐銀行被佔領, 足足俾人坐咗接近十個月, 卒之都係連動粗都唔使就清哂場。私人地方都咁忍得手, 道行高深之至。
至於今次佔中, 其實各路人馬經已出現內訌, 尤其是旺角直頭七國咁亂, 連愛心爆棚嘅女皇都唔想去派飯。 照道理唔使一個星期, 自己會摺埋。而居然梁振英呢個時候仲要搵人出手, 武力清場, 結果成全咗佔領者嘅道德光環, 往後轉化成街頭遊擊戰, 仲難收拾。班細路當正係真人打 war game, 睇你升呢定 game over 囉。
所以講到超級無間道....梁振英唔出聲都冇人同佢爭呢個位坐。直頭係香港民主之父呀。
至於往後佔領者就大把 "創意" 去搞搞震 : 例如本土反蝗派, 只要見到邊度有自由行, 一定扮遊客, 拖住隻喼去 "參加鳩烏團"。於是乎公安拉大隊嚟清場, 連自由行都清埋。拖喼都變攻擊性武器, 死未?
點解拖喼係攻性武器? 因為你估唔到裡面裝嘅係乜, 到底係強國至愛嘅奶粉定係佔旺至愛嘅頭盔面具呀?隻喼仲可以做盾牌, 同公安死過, 攻擊性大過黃飛鴻嘅鋼骨摭!
另外地產商仲死, 尋晚都見到公安無端端宣布人哋間戲院拉閘, 原來係有殺錯冇放過。咁就大鑊嘞! 反正佔領軍係反霸權反地產, 同反蝗同一道理, 只要去人哋個商場 "集體鳩烏", 咁啲公安又會出嚟拉閘放狗, 清場為止。咁商場清咗場會變乜嘢呢?
其實出現佔領呢個情況, 一早都知道總會影响到人嘅, 問題只係 - 你有冇權選擇影響邊個啫。
http://zh.wikipedia.org/…/%E4%BD%94%E9%A0%98%E4%B8%AD%E7%92…
Search